رواية أنثوفيليا الفصل الاول متلازمة ديجافو Deja vu بقلم يارا حسين

قائله 
_حاضر يا ابيه هروح الشغل وفي وقت ال break هكلمها واسألها
ابتسم لها بفرح ومعالم السعاده تملئ وجهه ثم غادرت إلى العمل وهي في حيره كبيره
في شركة سكيبر نرافيل SCAPER TRAVEL للسياحه
كانت خلود تجلس وهي تتابع عملها فهي لم تتلقى اي طلب بحضورها حتى أتت روان وجلست بجوارها وهي تتابع عملها هي ايضا وما ان مر الوقت حتى جاء وقت ال break فجلست الاثنين بعدما طلبوا الطعام لأجل الغداء فبدات روان بالحديث وهي تقول
_مالك يا خوخه وشك مقلوب كدا ليه ومش طايقه حد
شعرت خلود أنها سمعت تلك الجمله من قبل فرأسها مليئ بالافكار حتى ردت بحزن وقهر 
_كالعادة خناقه مع ماما بسبب استاذ كريم انا تعبت والله قسوتها عليا دي مش عارفه ايه سببها هي عارفه اني مش بحب البسله وهتعملها عشانه وبتقولي ازود له المصروف هي بجد مش واخده بالها ان كل دا كتير عليا.
اخذتها روان بحضنها وحاولت ان تهون عليها فقالت  
معلش ربنا هيعوضك عليك وهيرضيك كمان وهيرزقك بأبن الحلال اللي يهون عليك ويخرجك من حزنك دا
فردت الاخره بضيق وتشنج  
_قولتلك اني مش هتجوز واجيب عيال واخليهم مرضى نفسيين ولا اتجوز ف يقتلني ولا يرميني من البلكونه ويمشي في جنازتي
_دول اسمهم اشباه رجال يا خلود لكن لما تختاري اختاري راجل يصونك ويكون هو الدواء ليك وقولتلك كذا مرا متخليش متلازمة جوسكا تسيطر عليك
_بصي انا مش قادره اتكلم وكل ما تقولي كلمه احس اني سمعتها قبل كدا وكأني عشت الموقف دا قبل كدا وغير كدا انا واحده مش سويه نفسيا ومعقده وعندي ترومات كتير غير المتلازمات وتقولي جواز ومش عارفه ايه اسكتي يا روان
ترددت كثيرا ان تسألها فقالت  
_هو إنت بطلتي تحبي سديم اخويا ولا إيه
اتسعت عيناها من ذكره فهو كما يقال حب الطفوله وحب المراهقه وحب كل شيء ولكنها تحاول نسيانه لأنها دائما تقنع نفسها انه لن يكون لها
_اهو سديم دا حاجه بعيده خالص زي بعد الشمس عننا غير ان سديم مش ليا هو يستحق واحده احسن مني واجمل مني وتكون سويه نفسيا عشان تليق بيه
حزنت روان من الحاله التي وصلت لها صديقتها فقالت بتلعثم 
_يعني مثلا لو سديم اتقدم ليك هتوافقي!
_لأ طبعا هرفض انا لما بقعد. اتخيل حاجه زي كدا بالقي انها هتكون علاقة فشله هو محترم وذو خلق ودكتور وناجح سوي نفسيا وانا واحده مختلفه تماما اخري اتعالج عنده مش اتجوزه 
حل الصمت في المكان ومر الوقت بسرعه حتى عادت إلى المنزل في تمام الساعه التاسعه فوجدت والدتها نظفت المنزل وتحضر بعض العصائر ايضا وما ان رأتها اردفت بحزم وشده 
_في عريس متقدم ليك إنهارده وتحذير ومش هكرر كتير يا خلود لو موافقتش علي الشاب دا يا ويلك مني ومن اللي هعمله فيك
انفجرت خلود من الغضب وقالت  
_وأنا قولتلك مية مرا انا مش عاوزه اتجوز افهميني بقا ولو لمرا واحده في حياتك خليني اعمل حاجه انا عاوزها
_ايه عاوزني استني لما تخشي علي التلاتين إنت عندك تسعه وعشرين سنه يعني خلاص كلها سنه ويبقا عندك تلاتين يعني خلاص عانست ولا حد هيرضى بيك ولا هيتقبلك حتى والعريس دا كويس ومحترم وابن ناس
تضغط علي اسنانها بشده وتكتم بداخلها فاضافة الام بحزم وصارمه اكثر 
_اقسم بالله لو ما وافقت عليه هطردك من البيت دا وهتبرى منك انا اصلا زهقت منك وعاوزه اخلص بقا
اجتمعت الدموع في مقلتها وتوجهة إلى غرفتها وبعد ساعه فقط دق الباب ويبدو ان العريس قد ات امسكت الوسادة ووضعتها علي فمها وصرخت ولكنها لم تصدر صوت بداخلها اشياء كثيره لا يعلم عنها احد حتى دخلت عليها والدتها وقالت 
_قومي حطي اي حاجه علي وشك يصغرك شويه ويلا عشان العريس جه ومستني برا هو واهله
لم تعمل بما قالت فاخذت حجبها ووضعته علي راسها وخرجت إلى المطبخ فأمرتها والدتها أن تخرج بصنيه المشروبات تلك ففعلت خلود هذا وما ان خرجت إلى الصاله ورفعت نظرها حتى تقابلت بعين ذاك الجالس بجانب شقيقها اتسعت عيناها بشده فوضعت الصينه بسرعه وهي تشهق بفزع فكان العريس هو سديم
لم يفهم الاخر تصرفها هذا حتى قامت والدة سديم واحتضنتها وقالت لها بهمس  
_اقفلي بقك يا خربيت صدمتك دي الواد اتخض
جلست بجانب السيده لبنى والدة سديم وعلي الجهه الاخرى سديم الذي كان يفكر بما عرفه منها فبداء والد سديم بالحديث وقال 
_طبعا يا ام كريم إنت عارفه احنا جايين ليه بس هقول كلامي تاني وحابب اني اعرف رايكم انت طالب ايد الانسه خلود لأبني البكر سديم وإحنا جيران من فترة طويله وانتم اكيد عارفينا وان ابني طبيب نفسي وعنده عياده خاصه بيه غيره شغله في المستشفى والحمدلله هو متسير وعنده شقه خاصه بيه هو
يتبع
متلازمات_قاضيه
الحكايه_الاولى_أنثوفيليا
طبعا حابة اعتذر لو في اخطاء إملائيه بس حقيقي غصب عني الوقت بيجري بسرعه اوي غير ضغوطات الحياة
غير الحاجه اللي حابة أقولها عن السلسلة دي 
هي تلات حكاية هتعرفوا الحكاية الاولى منها وباذن الله بعد فترة هعمل حكاية تانيه وهتكون مختلفه عن دي وبتتكلم عن متلازمات وامراض نفسيه تانيه عاوزه رايكم وهل انا كويس في النوع دا ولا ماكملش رايكم هيفدني بصراحه